Цябут Дзмітрый Васільевіч

ЦЯБУТ ДЗМІТРЫЙ ВАСІЛЬЕВІЧ (1945 г.)

       Вялікая Айчынная вайна была суровым выпрабаваннем для нашага беларусскага народа, які  тры гады знаходзіўся пад пятой акупантаў.Паўстаў народ супраць нямецка-фашысцкіх захопнікаў. З сваіх радоў партызаны вылучылі кіроўцаў-камандзіраў, якія карысталіся даверам і павагай сярод чырвонааармейцаў і партызан. Адным  з іх быў  камандзір партызанскай брыгады імя К.Я.Варашылава Віцебскай вобласці Цябут Дзмітрый Васільевіч.

       Дз.В. Цябут нарадзіўся 6 лістапада 1914 года ў  в. Пуканаўка Полацкага раена Віцебскай вобласці. У 1931 г. скончыў школу, у 1940 г. -  Аршанскі настаўніцкі інстытут,   а  у 1962 г. -  ВПШ пры ЦК КПСС. З 1932 г. на педагагічнай, партыйнай і  савецкай рабоце ў  Ветрынскім і Полацкім раёнах.

        З верасня 1941 г.  служыў у Чырвонай арміі. У партызанах з чэрвеня 1942 г.: камандзір атрада, у снежні -  ліпені 1944 г. -  камандзір партызанскай брыгады  імя К.Я.Варашылава,  адначасова з верасня 1942 г. сакратар, другі сакратар Ветрынскага падпольнага райкома КП(б)Б.  З 1944 г. першы сакратар Ветрынскага РК КП(б)Б.

  Из истории партизанской бригады им. К.Е.Ворошилова Витебской обл. об организации партизанских отрядов в Ветринском районе в 1942 г.

                                                                                              Август 1944 г.

   …Ядром, вокруг которого начала организовываться партизанская бригада им.Ворошилова («Мститель»), явилась группа в количестве 46 чел., присланная Штабом партизанского движения из-за фронта под командованием политрука тов. Тябута. На место дислокации – хут. Ольховка Ветринского района группа прибыла 14 июля 1942 г…

   См.: Всенародное партизанское движение в Белоруссии в годы Великой Отечественной войны (июнь 1941- июль  1944).Документы и материалы в трех томах. Т.1.,Минск, “Беларусь”, 1967, стр.638.

     Вось адзін з прыкладаў баявой дзейнасці  брыгады Д.В.Цябута. Партызанскія брыгады пад кіраўніцтвам Д.В.Цябута, В.В.Мельнікава і полк І.Ф.Садчыкава ў ноч на 1 лютага 1944 г. здзейснілі налет на чыгуначны участак  Полацк – Круляўшчызна. За ноч партызаны падарвалі 2 500 рэльсаў, 7 мастоў, знішчылі некалькі кіламетраў тэлефонна-тэлеграфнай  сувязі.Авіацыя 1-га Прыбалтыйскага фронта, наведзеная партызанамі на  скапленне   варожых эшалонаў на станцыях, паспяхова завяршыла  партызанскую баявую справу.

Такіх выніковых апярацый на ліку брыгады Д.В. Цябута было шмат.

     З 1950 г. на  адказнай партыйнай, савецкай і  гаспадарчай рабоце. У 1964-1975 гг. Старшыня Мінскага аблвыканкама, член  ЦК КПБ, дэпутат Вярхоўнага Савета СССР  і  Вярхоўнага  Савета БССР.

     Аўтар успамінаў  “Праз агонь”,  “На освобожденной земле”.
     Цябут Дзмітрый Васільевіч памёр у 1987 г.

Вядучы навуковы супрацоўнік аддзела гісторыі партызанскага руху  В.З.Протчанка